៦១​ - ខ្ញុំសូមលាបាប

-	ភន្តេ ភគវា	ខ្ញុំទូលបាទា	បង្គំភក្តី
<!-n/a->	ទសករទាំង១០	ដាក់លើសិរសី	ថ្វាយទៅព្រះស្រី
<!-n/a->	<!-n/a-->	ទាំងបីសូមជ្រាប ។	<!-n/a-->
-	យើងខ្ញុំនេះណា	លាទោសអត្មា	កាលនៅក្នុងផ្ទៃ
<!-n/a->	អ្នកម្តាយទ្រង់គក៌	យើងខ្ញុំនេះនៃ	ទន់អស់សរសៃ
<!-n/a->	<!-n/a-->	ទាំង៣០សង ។	<!-n/a-->
-	លោកម្តាយជាទុក្ខ	ពុំដែលបានសុខ	ដល់តិចឡើយហោង
<!-n/a->	ខ្លាចក្រែងគ្រោះកាច	មាតានោះផង	លោកតែងនឹងរង
<!-n/a->	<!-n/a-->	ទម្ងន់នោះណា ។	<!-n/a-->
-	លុះបាន១ខែ	ឈាមនោះមកប្រែ	ជាដុំហើយណា
<!-n/a->	លុះបាន២ខែ	បីខែសោះសា	កើតបញ្ចសាខា
<!-n/a->	<!-n/a-->	ទៅលើទងសុក ។	<!-n/a-->
-	អង្គុយច្រហោង	រងេងរងោង	នៅនាក្រោមផ្ទៃ
<!-n/a->	មាត់នោះបៀមបៅ	ជញ្ជក់ទងសុក	អង្គុយប្រែមុខ
<!-n/a->	<!-n/a-->	ទៅខាងខ្នងម្តាយ ។	<!-n/a-->
-	ខ្លួននោះដូចសត្វ	ដូចស្វាគេលាត់	ក្រហល់ក្រហាយ
<!-n/a->	បើលោកបរិភោគ	បង្អែមទាំងឡាយ	ខ្ញុំសុខសប្បាយ
<!-n/a->	<!-n/a-->	អង្គអស់អាត្មា ។	<!-n/a-->
-	បើម្តាយខ្ញុំឆី	អស់ទាំងចំណី	ហឹរប្រៃហើយណា
<!-n/a->	វាឈឺអស់អង្គ	វាខ្លោចវាផ្សា	ញ័រអស់រូបា
<!-n/a->	<!-n/a-->	យើងខ្ញុំក្នុងផ្ទៃ ។	<!-n/a-->
-	ជញ្ជឹងឲ្យគ្រប់	ជួនជួបប្រសព្វ	ខែ១០ហើយនៃ
<!-n/a->	លុះបានគំរប់	បរិបូណ៌ប្រពៃ	ខ្យល់១ឆាប់ក្រៃ
<!-n/a->	<!-n/a-->	ឈ្មោះកម្មជ្ជវាត ។	<!-n/a-->
-	មកបក់បង្វិល	ប្រែក្បាលខ្ញុំវិល	ចេញមកក្រៅស្អាត
<!-n/a->	ដោយទ្វារមមាតា	យើងខ្ញុំជាអាទិ៍	ទើបខ្ញុំប្របាទ
<!-n/a->	<!-n/a-->	ពុំដឹងអាត្មា ។	<!-n/a-->
-	ដូចគេគ្រវែង	ចោលទៅកំពែង	ចក្រវាឡា
<!-n/a->	រួចចេញពីផ្ទៃ	ព្រះកន្លោងហើយណា	ខ្ញុំភ្ញាក់អាត្មា
<!-n/a->	<!-n/a-->	ស្រែកយំខ្លាំងក្រៃ ។	<!-n/a-->
-	ឯព្រះមាតា	អ្នកឈឺខ្លោចផ្សា	ត្បិតខ្ញុំនេះនៃ
<!-n/a->	អ្នកដេកអាំងភ្លើង	បាន៩ថ្ងៃ	លុះស្រាលជើងដៃ
<!-n/a->	<!-n/a-->	បរិបូណ៌ហើយហោង។	<!-n/a-->
-	លាបាប១ណា	លោកម្តាយរក្សា	ចិញ្ចឹមរ៉ាប់រង
<!-n/a->	ទុក្ខភ័យប៉ុន្មាន	មិនឲ្យមានឆ្គង	លោកតែងនឹងរង
<!-n/a->	<!-n/a-->	ទម្ងន់នោះណា ។	<!-n/a-->
-	ខ្ញុំលាបាប១	ត្បិតលោកម្តាយព្រួយ	លំបាកច្រើនគ្រា
<!-n/a->	ដេកនៅនឹងអាចម៍	នឹងនោមកាលគ្រា	ជាក្មេងខ្ញុំលា
<!-n/a->	<!-n/a-->	អំពើបាបនោះ ។	<!-n/a-->
-	លាបាប១ណា	លោកម្តាយរក្សា	ឥតមានទ្រគោះ
<!-n/a->	តែងនឹងឱបក្រុង	បីបំបៅដោះ	ដៃយើងខ្ញុំនោះ
<!-n/a->	<!-n/a-->	គក់ទ្រូងលោកម្តាយ ។	<!-n/a-->
-	យើងខ្ញុំនេះលា	ក្រែងមានវេរា	អំពើទាំងឡាយ
<!-n/a->	កាលណាលោកដេកលក់	ជាសុខសប្បាយ	យើងខ្ញុំពាយងាយ
<!-n/a->	<!-n/a-->	យំឲ្យលោកភ្ញាក់ ។	<!-n/a-->
-	ហេតុបទយើងខ្ញុំ	មានវេរាកម្ម	តែងតាមជៀងជាក់
<!-n/a->	កាលខ្ញុំនៅក្មេង	តែងយំទធាក់	បាបនោះអប្បល័ក្ខណ៍
<!-n/a->	<!-n/a-->	ខ្ញុំសោតសូមលា ។	<!-n/a-->
-	លាបាប១នោះ	ក្រែងមានទ្រគោះ	ឈ្លោះនឹងមាតា
<!-n/a->	ហើយខ្ញុំលាបាប	ប្រមាថបិតា	លាបាបនោះណា
<!-n/a->	<!-n/a-->	លាទោសនោះផង ។	<!-n/a-->
-	លាបាប១ណា	ក្រែងមានវេរា	អំពើបាបផង
<!-n/a->	ក្រែងប្រឈ្លោះ	ប្រកួតប្រឡង	ទាស់ពាក្យឆ្គាំឆ្គង
<!-n/a->	<!-n/a-->	នឹងញាតិនានា ។	<!-n/a-->
-	យើងខ្ញុំប្របាទ	កាលជានេសាទ	សម្លាប់មច្ឆា
<!-n/a->	អស់ទាំងបាបនោះ	ខ្ញុំសោតសូមលា	កុំមានវេរា
<!-n/a->	<!-n/a-->	អំពើនោះឡើយ ។	<!-n/a-->
-	បទឥតយោបល់	ប្រាជ្ញាកិច្ចកល	ពុំយល់សោះឡើយ
<!-n/a->	ញាតិផងប្រដៅ	យើងខ្ញុំកន្តើយ	ឮពាក្យគេហើយ
<!-n/a->	<!-n/a-->	ស្រដីមុសា ។	<!-n/a-->
-	១ក្រែងប្រមាថ	ព្រះអាទិត្យជាអាទិ៍	ព្រះចន្ទតារា
<!-n/a->	ព្រះពាយព្រះភិរុណ	ព្រះអគ្គីគង្គា	ប្រមាថទេវតា
<!-n/a->	<!-n/a-->	លាបាបនោះឯង ។	<!-n/a-->
-	លាបាប១ណា	ប្រមាថរាជា	ក្រឡាគម្តែង
<!-n/a->	អម្ចាស់ផ្ទៃក្រោម	ត្បិតលោកតាក់តែង	អស់បាបនោះឯង
<!-n/a->	<!-n/a-->	យើងខ្ញុំសូមលា ។	<!-n/a-->
-	បាប១ស្រដី	ប្រមាថមន្ត្រី	អល់អស់សេនា
<!-n/a->	ក្រែងបានស្រដី	ជេរពោលផ្តាសា	អស់បាបនោះណា
<!-n/a->	<!-n/a-->	ខ្ញុំលាទោសហោង។	<!-n/a-->
-	លាបាប១ណា	កាលបួសនៅជា	សាមណេរហើយហោង
<!-n/a->	គ្រូលោកប្រដៅ	បទខ្លួននេះឆ្គង	ខេរខឹងរំលង
<!-n/a->	<!-n/a-->	កន្លងពាក្យគ្រូ។	<!-n/a-->
-	យើងខ្ញុំនេះលា	បទមានវាចា	បាបនោះមកត្រូវ
<!-n/a->	ស្រដីខុសពាក្យ	នឹងលោកជាគ្រូ	ចិត្តខឹងក្រចូវ
<!-n/a->	<!-n/a-->	លួចជេរកំបាំង។	<!-n/a-->
-	ខ្ញុំលាអស់បាប	លាពៀរដរាប	សូមលោកជួយខាំង
<!-n/a->	អស់បាបនោះឯង	សូមលោកជួយរាំង	ចៀសចាកកំបាំង
<!-n/a->	<!-n/a-->	កុំឃើញឡើយណា។	<!-n/a-->
-	បាប១នោះត្រូវ	ខ្ញុំភូតនឹងគ្រូ	បំពោតវាចា
<!-n/a->	ស្រដីដើមគ្រូ	ក្រែងត្រូវរូបា	យើងខ្ញុំនោះណា
<!-n/a->	<!-n/a-->	លាទោសនោះផង។	<!-n/a-->
-	លាបាប១ណា	កាលបួសនៅជា	សាមណេរនោះហោង
<!-n/a->	ក្រែងខ្ញុំឈ្លោះគ្នា	ប្រកួតប្រឡង	ទាស់ពាក្យឆ្គាំឆ្គង
<!-n/a->	<!-n/a-->	ជេរទៅមាតា ។	<!-n/a-->
-	កាលនៅជាភិក្ខុ	ប្រដៅរំលឹក	ជេរពោលអស់គ្នា
<!-n/a->	ខំឲ្យរៀនសូត្រ	តែងភូតមាយា	យើងខ្ញុំនេះណា
<!-n/a->	<!-n/a-->	បានជាជេរទៅ។	<!-n/a-->
-	យើងខ្ញុំនេះខឹង	ធ្វើមុខក្រញឹង	សម្លក់សម្លៅ
<!-n/a->	ក្រហមទាំងមុខ	សំឡឹងជេរទៅ	បទសិស្សផងខ្លៅ
<!-n/a->	<!-n/a-->	ឲ្យបានដូចចិត្ត។	<!-n/a-->
-	សិស្សឥតប្រាជ្ញា	យើងខ្ញុំនេះណា	ជេរថាចំហុត
<!-n/a->	ឲ្យចេះសាស្ត្រា	ចេះទាំងសំបុត្រ	ឲ្យចេះផ្គង់ផ្គត់
<!-n/a->	<!-n/a-->	កំណត់សិត្យា ។	<!-n/a-->
-	លា១ប្រើសត្វ	ខឹងខំវាយវាត់	ពុំមានមេត្តា
<!-n/a->	បរហើយវាយដំ	ច្រំធាក់ខ្លួនវា	ពុំមានមេត្តា
<!-n/a->	<!-n/a-->	ខ្ញុំលាទោសនោះ។	<!-n/a-->
-	លាបាប១ណា	កាលមានរោគា	ឲ្យហោរគណគ្រោះ
<!-n/a->	ត្រូវសត្វជើងពីរ	ជើងបួនរំដោះ	ទើបបានស្បើយគ្រោះ
<!-n/a->	<!-n/a-->	ដោយហោរគេថា។	<!-n/a-->
-	រីពេទ្យមេមុត	ទោះឆុតពុំឆុត	យកឲ្យសែនលា
<!-n/a->	បង្គាប់ថាត្រូវ	សត្វដូចហោរថា	ត្រូវថ្នាំនឹងស្រា
<!-n/a->	<!-n/a-->	យកមកឲ្យផឹក។	<!-n/a-->
-	រីបាបនោះណា	ដោយច្បាប់លោកថា	យកភូបាលបំផឹក
<!-n/a->	នូវទឹកទង់ដែង	គួរស្ញែងពន្លឹក	បាបត្បិតតែផឹក
<!-n/a->	<!-n/a-->	ស្រាខុសវិន័យ។	<!-n/a-->
-	លាបាប១ណា	ត្បិតខ្ញុំផឹកស្រា	បាបនោះឯងនៃ
<!-n/a->	ខ្ញុំពឹងសំភារ	ពឹងបារមីក្រៃ	សូមអម្ចាស់ថ្លៃ
<!-n/a->	<!-n/a-->	ករុណាប្រោសហោង។	<!-n/a-->
-	លាបាប១ណា	ក្រែងមានវេរា	អំពើឆ្គាំឆ្គង
<!-n/a->	វាយដំឆ្កែឆ្មា	មាន់ទានោះផង	វាយយំស្រែកកង
<!-n/a->	<!-n/a-->	ក្រែងមានវេរា។	<!-n/a-->
-	យើងខ្ញុំលាថ្លង់	លាអស់ខ្លៅល្ងង់	លំបាកកំព្រា
<!-n/a->	ខ្ញុំលារៀងទៅ	សព្វជាតិនានា	កើតមកសព្វគ្រា
<!-n/a->	<!-n/a-->	កុំត្រាយល់ឡើយ	<!-n/a-->
-	ខ្ញុំលាឃ្ងង់ស្រែង	ដំបៅក្រងែង	ក្រងង់ឥតត្រើយ
<!-n/a->	កញ្ចោតកំបាក់	ខ្វិនខ្វាក់នោះឡើយ	លាទាំងខ្ទែខ្ទើយ
<!-n/a->	<!-n/a-->	គមគាក់ពើតពីង។	<!-n/a-->
-	លាខ្លួនកំប្រោណ	ដំំណើរក្រញោន	សក់ច្រាញកន្ទ្រើង
<!-n/a->	ក្រងួរក្រង៉យ	ក្រញឹសក្រញឹង	ស្ញេញស្ញាញពើតពើង
<!-n/a->	<!-n/a-->	កុំយល់ឡើយនៃ។	<!-n/a-->
-	លារូបអាក្រក់	ជើងធំរលស្ទក់	ឃ្លង់ជើងឃ្លង់ដៃ
<!-n/a->	លាភ្នែកស្រលៀង	ក្រសែវិស័យ	ឡើងបាយស្លឹតស្លៃ
<!-n/a->	<!-n/a-->	បាំងស្បែកខ្ញុំណា។	<!-n/a-->
-	លា១ធ្មេញបាក់	ច្រមុះសោតធ្លាក់	ញ័រញាក់ចង្កា
<!-n/a->	ហារមាត់សំញេញ	កំប៉ិញដូចស្វា	បើនឹឆីស្លា
<!-n/a->	<!-n/a-->	ខិបខុបវិស័យ។	<!-n/a-->
-	លាមាត់សម្លាក	ដំបៅរលាក	សជើងសដៃ
<!-n/a->	ខ្មៅមុខដូចចៀស	អសុរសចង្រៃ	វៀចស្តួចជើងដៃ
<!-n/a->	<!-n/a-->	យើងខ្ញុំសូមលា។	<!-n/a-->
-	ហើយលាទំពែក	ត្រងោលចំឡែក	គង់តែលលាដ៍
<!-n/a->	ដើរទៅង៉េលង៉ាល	ប៉េលប៉ាលសិរសា	ហេតុតែលលាដ៍
<!-n/a->	<!-n/a-->	រលីងសក់សើរ។	<!-n/a-->
-	លាជើងកំបាក់	ដើរទៅខ្ញើញខ្ញក	ទាបខ្ពស់ពព្លើ
<!-n/a->	លាទាបកន្ទែល	ទំលែទំលើ	ទំលួនមើលស្លឺ
<!-n/a->	<!-n/a-->	មើលខាងខ្ញុំលា។	<!-n/a-->
-	លាឃ្លង់ល្ពៅ	ឃ្លង់ដែកឃ្លង់ខ្មៅ	ឃ្លង់ភ្លើងស្រែងជ្វា
<!-n/a->	ស្រកីអណ្តែង	កញ្ចុះមាន់ណា	កើតប្រើសឃ្លង់ជ្វា
<!-n/a->	<!-n/a-->	កុំយល់ឡើយណា។	<!-n/a-->
-	លារូបអាក្រក់	ជម្ងឺផ្តឹតផ្តក់	ព្យាធិរីងរៃ
<!-n/a->	លាអស់រោគា	ឧបទ្រពចង្រៃ	បៀតបៀននោះនៃ
<!-n/a->	<!-n/a-->	កុំឲ្យដិតដល់។	<!-n/a-->
-	លាដៃក្រញាង	ក្រញង់សងខាង	សរសៃរួបរិត
<!-n/a->	លាអស់ដំបៅ	នូវមាត់កំពិត	ច្របូញជ្រួញជិត
<!-n/a->	<!-n/a-->	ខ្ញុំលាកុំយល់។	<!-n/a-->
-	លា១ពាក្យភូត	ស្រដីគម្ភោធ	កុហកកិច្ចកល
<!-n/a->	លា១ពាលោ	មោហោកំហល់	ស្រដីកិច្ចកល
<!-n/a->	<!-n/a-->	ចិត្តវៀចនឹងញាតិ	<!-n/a-->
-	ពុំដឹងខុសគាប់	ពុំដឹងដោយច្បាប់	ដោយធម៌ជាអាទិ៍
<!-n/a->	ស្រដីមុសា	ពាក្យភូតសឹងឃ្លាត	ខ្ញុំលាសព្វជាតិ
<!-n/a->	<!-n/a-->	កុំយល់ឡើយនៃ។	<!-n/a-->
-	លា១ចង្រៃ	យកអ្នកដទៃ	មកធ្វើជាញាតិ
<!-n/a->	លាពាក្យនោះណា	កុំយល់សព្វជាតិ	ឲ្យខ្ញុំនេះឃ្លាត
<!-n/a->	<!-n/a-->	ចៀសចាកចេញឆ្ងាយ។	<!-n/a-->
-	ខ្ញុំលាអស់បាប	លាពៀរដរាប	អំពើរទុក្ខភ័យ
<!-n/a->	លាខ្សត់លំបាក	តោកយ៉ាកហិនហៃ	ហើយសូមលាភ័យ
<!-n/a->	<!-n/a-->	ចតុរាបាយហោង។	<!-n/a-->
-	លាទោសបាណា	អទិន្នាកាមេ	មុសាសុរាផង
<!-n/a->	ខ្ញុំលាកុំយល់	ដល់តិចជាម្តង	សេពសុរាផង
<!-n/a->	<!-n/a-->	ទាំងអស់ខ្ញុំលា។	<!-n/a-->
-	បាណាតិបាត	សម្លាប់ដរាប	សត្វតូចធំផង
<!-n/a->	អទិន្នាទានា	លួចលាក់ឆឈោង	កាមេលួចបង
<!-n/a->	<!-n/a-->	កូនប្អូនប្រពន្ធ។	<!-n/a-->
-	អ្នកផងខ្ញុំលា	ទាំងបាបមុសា	ដែលលេងចំអន់
<!-n/a->	ក្រែងត្រូវត្រង់ពាក្យ	ភ្លេចគិតមិនទាន់	លេងសើចហួសស៊ុន
<!-n/a->	<!-n/a-->	បាបនោះខ្ញុំលា។	<!-n/a-->
-	សុរាទី៥	ជាមេកងកម្ម	បង់វត្តបង្វៀង
<!-n/a->	បង់យសម្បត្តិ	បង់សីលបង់ទាន	ខ្ញុំលារាល់រៀង
<!-n/a->	<!-n/a-->	ជាតិកុំឲ្យមាន។	<!-n/a-->
-	លាបាប១ណា	ចូលចេញព្រះវស្សា	បិណ្ឌភ្ជុំចូលឆ្នាំ
<!-n/a->	សង្ក្រាន្តត្រស្តិលោក	ថ្ងៃខែឧត្តម	មិនរៀបសេពសម
<!-n/a->	<!-n/a-->	ខូចសីលអស្តារ។	<!-n/a-->
-	លាបាបឥតច្បាប់	ប្រដាប់ចំបាប់	ពាក់មុខយក្សមារ
<!-n/a->	កាន់គ្រឿងលាត់ឆាយ	ចូលវត្តផឹកស្រា	មិនពុទ្ធដីកា
<!-n/a->	<!-n/a-->	ស្រដីក្រេវដក្រោធ។	<!-n/a-->
-	បំបោលរទេះ	ជិះដំរីសេះ	បាំងតាំងយូជូតក្បាល
<!-n/a->	នឹងពាក់ស្បែកជើង	ទាត់សីលេសអួត	ចូលវត្តកាន់កួត
<!-n/a->	<!-n/a-->	បាបរៀងរាល់ជាតិ។	<!-n/a-->
-	លាបាប១ណា	កាលខ្ញុំយាត្រា	ចូលទៅរាប់បាត
<!-n/a->	ក្នុងព្រះវិហារ	សេចក្តីប្រមាថ	ផ្អែកផ្អៀងជាអាទិ៍
<!-n/a->	<!-n/a-->	ពុំកោតក្រែងឡើយ។	<!-n/a-->
-	ស្តោះទាំងទឹកមាត់	គូរលេងឥតគិត	មិនក្រែងព្រងើយ
<!-n/a->	នាឋានព្រះតថា	គតម្ចាស់ថ្លៃអើយ	ប្រោសខ្ញុំម្ចាស់អើយ
<!-n/a->	<!-n/a-->	បាបនោះខ្ញុំលា។	<!-n/a-->
-	លាបាបទោសធ្ងន់	ឮលោកសូត្រមន្ត	ថ្លែងធម៌ទេសនា
<!-n/a->	ខ្ញុំមិនមានស្តាប់	ស្ទាញស្ទប់ចង្កា	និយាយតែគ្នា
<!-n/a->	<!-n/a-->	គិតទៅឯទៀត។	<!-n/a-->
-	លាបាបអបល័ក្ខណ៍	យកខ្មោចអារក្ស	ដំកើងរោងរៀប
<!-n/a->	បង្ហិនតែទ្រព្យ	បង់ហើយបង់ទៀត	អាសារបង់ម្សៀត
<!-n/a->	<!-n/a-->	ធ្លាក់ដល់ចតុរា។	<!-n/a-->
-	លាបាប១នេះ	ខ្ញុំខឹងដៀលត្មិះ	អ្នកបានរក្សា
<!-n/a->	សីលគុណព្រះពុទ្ធ	ហើយមិត្តទ្រុស្តថា	រាបស្មើក្រឡា
<!-n/a->	<!-n/a-->	ប្រឹថពីសូមលា។	<!-n/a-->
-	ខ្ញុំសូមសំណាក់	ព្រះអង្គវរល័ក្ខណ៍	រុងរឿងថ្លៃថ្លា
<!-n/a->	សូមម្ចាស់អត់ទោស	ប្រោសប្រស់ករុណា	ណែនាំអស់មហា
<!-n/a->	<!-n/a-->	ជនផងនានា។	<!-n/a-->
-	រីសីលទាំង៥	សូមចិត្តចងចាំ	កុំភ្លេចឡើយណា
<!-n/a->	ទាំងសីល៨	សូម្បីរក្សា	អស់អញភាវនា
<!-n/a->	<!-n/a-->	កុំភ្លេចរាល់ថ្ងៃ។	<!-n/a-->
-	ដូចព្រះពុទ្ធផង	ពីរោះកន្លង	ខ្លឹមព្រះធម៌ថ្លៃ
<!-n/a->	សឹងសារសីលសុទ្ធ	ព្រិទ្ធព្រហ្មប្រពៃ	នាំសត្វក្រាស់ក្រៃ
<!-n/a->	<!-n/a-->	ដាក់ដល់និព្វាន។	<!-n/a-->
-	សូមពឹងសម្ភារ	តេជៈបារមី	ថ្លៃជាប្រធាន
<!-n/a->	សូមឲ្យយើងខ្ញុំ	កើតនៅភិមាន	កែវកបសួគ៌ឋាន
<!-n/a->	<!-n/a-->	តុសិតសួគ៌ា។	<!-n/a-->
-	កបនូវភ្លេងភ្លាត់	ល្វេងល្វើយស្រងាត់	ស្រឹង្គារបរិពារ
<!-n/a->	ជាសំរាប់ដូច	ទេវបុត្តទេវតា	បំរើត្រៀបត្រា
<!-n/a->	<!-n/a-->	នៅសួគ៌ាល័យ។	<!-n/a-->
-	សូមព្រះទ្រង់ញាណ	សូមឲ្យខ្ញុំបាន	ផ្ចាញ់មារក្រាស់ក្រៃ
<!-n/a->	កុំបីមកជ្រែក	ឲ្យចាលចាញ់ដៃ	សូមឲ្យបានក្ស័យ
<!-n/a->	<!-n/a-->	កិលេសតណ្ហា។	<!-n/a-->
-	ខ្ញុំសូមបានកាត់	ឥសូរសម្បត្តិ	ទាំងបុត្រភរិយា
<!-n/a->	កាន់ឲ្យជាទាន	សូមកាត់សង្សារ	រួចចេញពីមហា
<!-n/a->	<!-n/a-->	ជំរៅក្រាស់ក្រៃ។	<!-n/a-->
-	រីល្បាសំណូម	តេជៈខ្ញុំសូម	បានដូចប្រាថ្នា
<!-n/a->	សូមបានមគ្គផល	រួចដល់សួគ៌ា	ហើយបានព្រះមហា
<!-n/a->	<!-n/a-->	និព្វានស្រេចហោង។	<!-n/a-->

ដកស្រង់ចេញពីសៀវភៅ:   គិហិប្បតិបត្តិ ឃរាវាសធម៌ ៚