ច្បាប់ក្រមង៉ុយ​ (១)

ច្បាប់ល្បើកថ្មី

៙ សូមមេត្តាផ្តល់មតិកែលំអ ព្រោះនេះជាការរៀនសូត្រ តែងតែមានការច្រឡំ​ ៚

អ្នកព្រះភិរម្យ	ភាសាអ៊ូខ្ញុំ	បង្គំនឹកគុណ
ព្រះពុទ្ធព្រះធម៌	ព្រះសង្ឃជាមុន	គុណគាប់មហាធ្ងន់
	មាតាបីតា ។
ឧបជ្ឈាយ៍ជាធំ	កាលចាប់ដៃខ្ញុំ	ឱ្យធម៌កេសា
អនុសាវន	ព្រះកម្មវាចា	គុណតួអក្ខរា
	ទាំងសាមសិបបី ។
ខែចេត្រឆ្នាំច	ចត្ថាស័កក	កគិតកាព្យថ្មី
លើកច្បាប់ប្រដៅ	កូនចៅប្រុសស្រី	តូចក្តីធំក្តី
	ចូរស្តាប់គ្រប់គ្នា។
ត្បិតមនុស្សឥឡូវ	យកខុសជាត្រូវ	យកឆ្កួតធ្វើជា
អំពើអាក្រក់	ឡិកឡក់លីលា	ព្រហើនពានពារ
	អាងមាសអាងប្រាក់។
អាងព្រើលអាងប្រាជ្ញ	អាងកោងអាងកាច	អាងកាប់អាងចាក់
អាងជើងអាងដៃ	អាងវាយអាងធាក់	អាងគុកច្រវ៉ាក់
	អាងម៉ាស៊ីនកាត់ក ។

test