៧៥ - ធម៌ប្រាថ្នាសូមជួបព្រះធម្មិក

០១	ឧកាសអហំរីយើងខ្ញុំ	ឱនបង្គំប្រណមនឹក
<!-na->	សូមទាន់ព្រះធម្មិក	ស្តេចចេញលើកព្រះសាសនា។
០២	ព្រះធម៌ប្រាំបីម៉ឺន	បួនពាន់ច្រើនក្រៃណាស់ណា
<!-na->	នៅអង្គព្រះតថា	ព្រះសាសនាអម្ចាស់ថ្លៃ។
០៣	ព្រះអង្គអាសូរសត្វ	លំបាកក្តាត់ណាស់សព្វថ្ងៃ
<!-na->	តើនចេញចាកឆាប់វៃ	យាងព្រះបាទចេញប្រោសសត្វ។
០៤	ខ្ញុំសូមសេចក្តីសុខ	រួចពីទុក្ខរួចពីភ័យ
<!-na->	សូមទានព្រះម្ចាស់ថ្លៃ	សូមបានទាន់ហែព្រះអង្គ។
០៥	នមោពុទ្ធាយៈ	លើកដៃដាក់លើសិរសា
<!-na->	បង្គំគុណមាតា	គុណបិតាទាំងពីរពង្ស។
០៦	ពុទ្ធាស្តេចទ្រង់ធម៌	យសោតសល់ព្រះសិរអារ្យ
<!-na->	មេត្រីស្រីសម្មា	ចាំសាសនាប្រាំបីម៉ឺន។
០៧	គុណព្រះកុមេរុរាជ	មានអំណាចលើលោកា
<!-na->	គង់ចាំព្រះសាសនា	សូមក្សត្រាទ្រង់ឈ្វេងយល់។
០៨	មើលអស់និស្ស័យសត្វ	ណាប្រតិបត្តិនឹកដើមដល់
<!-na->	សូមលោករំពឹងយល់	សូមកុសល់ឲ្យសុខសាន្ត។
០៩	សូមរួចចាកស្រេកឃ្លាន	កុំបីមានចង្រៃរោគ
<!-na->	ឱ!អស់គ្នាយើងអើយ	កុំព្រងើយខំរៀនយក។
១០	ព្រះធម៌ពុទ្ធពន្លក	ស្តេចយាងមកលើកសាសនា
<!-na->	មនុស្សសត្វផងលិចលង់	ខំហែលក្នុងទីជលសារ។
១១	ខំហែលពុំរួចណា	សូមក្សត្រាជួយចម្លង
<!-na->	ឈ្មោះណាដែលតាំងធម៌	សូមបានដល់សុខសួគ៌ផង។
១២	ពិតជានឹងបានឆ្លង	ដល់និព្វានប្រាកដហោង៕
<!-na->

ដកស្រង់ចេញពីសៀវភៅ:   គិហិប្បតិបត្តិ ឃរាវាសធម៌ ៚